新年快樂

有用武之地

波子睇來睇去都唔知你件野點入

向前入......唔得, 向後入......唔得

終於有用嘞, 不如索性只係比個頭仔入咪得囉 ^^

用黎遮太陽一流, 唔好曬黑塊面 kaka ~~
今日佢仲攪鬼到正面伸個頭仔入去訓添呀, 嘩哈哈!!

眼仔碌碌, 金銀滿屋

波子實在係一隻大懶貓，叫佢郁下都幾難，
你睇......抱佢都係度扮蛇(軟皮蛇)@@

皇天不負有心人，波子的圓眼look仿似流星一樣閃一閃就過，

難得今日影到梗係要對住佢許個願啦 haha!!

斯文靚仔look望多2眼呀，無幾可 ^^

佢扮完蛇仲學人扮松鼠條尾呀 *~^

送貓入兔口

兔子: 有咁大件肥豬肉送埋黎我個口, 這個冬天不太冷 ~~

白兔: 比你地睇下我個真面目, 係咪面目睜寧呢! 嘩哈哈哈!!

波子: 車, 我話咁易就出返黎啦, 隔離嗰件我入都入唔到呀>.<

波媽唔知買黎比邊個, 哼........

貓友禮物

仲係講緊今年生日呀 hehe ~~

今年收到幾份貓友送的禮物, 份份都咁鍾意 ^^
做左咁多年人, 朋友都送到唔送,

簡簡單單食餐飯便算,

到近幾年識了一班貓友,

又令我重回做女時代過嘅生日,

有蛋糕兼有禮物收, 萬二分驚喜!

萬聖節之喪食兵團

同場加影有靚女菲出現

查實我餵食之過, 每一道菜都無影相 >-<

唯有用文字黎回味下啦 @@

round 1: 瀨尿蝦, 扇貝, 炒蜆, 花螺, 聖子, 炸大腸, bb鴿, 墨魚餅, 鮑魚, 西蘭花......勁呀!

round 2: 棉棉冰, 腸粉

round 3: 大閘蟹 (是日我食左一公一乸), 薑茶湯圓, 拿破崙蛋糕, 可樂jelly, 人形燒餅

round 4: 通頂懷舊 K

我都要比自己十個叻, 可以食到咁多野(係由夜晚6:00開始喎)

正日那天

今年生日正日那天人在大阪，雖然唔係同最想嘅人一齊過，

但同事們都待我不薄，晨早留留去便利店買條卷蛋，

話晒都係made in Japan先啦，寧捨好食架啫 ^^

(留意: 我許願時後面好多路人甲乙丙行來行去@@ 乜我許左好耐咩佢地咁唔耐煩嘅 :()

是日行程去清水寺，第一次到訪梗係要入鄉隨俗

飲下寺水，保佑自己快高長大啦!

後話: 一向去旅行都唔會行乜寺物寺，覺得老套兼悶無野睇。

唔通真係年紀大? 今次覺得清水寺好好行，仲嫌唔夠喉 =.=""

其實主要清水寺附近成條街有好多貓產品，

啱晒我地貓奴shopping，可惜今次只可精選幾間行下，

唯有下次自己再黎過啦 ~~

新玩具之初學篇

最近買左新相機不過唔係各位貓友嘅DSLR

只係有多dd function嘅DC啫

我知我無天份加無耐性學所以唔好浪費金錢係部單反機度

都係買部多功能DC算嘞 ~~

以下幾張相都係用AUTO mode架咋

係屋企影仲未識調教好光線

燈光似乎影極都唔啱, 唔通要加你地支閃燈至得 @@

你睇呢張, 日頭影架, 點解波子變左隻非洲短毛貓, 黑蚊蚊嘅 :(

康樂時間

尋晚打風聽到外面雨水打落窗的的嗒嗒聲幾鬼嘈

唔知係咪咁波子特別興奮玩到kit kit ka ka聲仲哼歌添

~~~~~典來也典去, 風聲教人掉眼水.........何時才可與它(玩具)團聚~~~~

~~~~~典來也典去, 我似顛左去.........今晚叫我好快睡去~~~~

好返晒喇

今日再同波子驗尿，報告出左........一切正常，

無發炎無crystal, 真係算好彩!!!

波子從診所出黎之後，唔肯自己飲水，

唯有日日早午晚罐水先可以擊退crystal，

已經問契爺借許願池，問auntie ming借pet mate，

都唔可以令波子對飲水提返起勁 >>_<<

波子會唔會已經無左求生本能嘞 ???

今日終於換返自己曾經壞左個泵嘅許願池返黎，

未開盒返而有興趣喎 @..@

開左盒反而斎許願唔飲 , 激死 T_T

唔理咁多住嘞 , 玩完先講 , 波子 , 跳下啦 !!





























波子, 你個圈圈唔見左唔值錢lu.........(聽講有圈圈勝利道賣貴d架 ^3^)

復原中的波兒

圖一: 左一個窿

圖二: 右一個窿

圖三: 肚底一大個窿

圖四: 波子d毛原來有成2吋厚

............................................................................................................................

波子在上星期日去了睇醫生，因為星期六晚我返屋企

時見到佢喺砂盤進進出出，谷到個身成個波咁但都無

尿尿，我知波子的尿道炎/膀胱炎又復發嘞!!

醫生即驗尿尿發覺有好多crystal，尿液樣本仲有

少許血水，所以一定要留院放尿、驗血及照超聲波。

所以而家波子肚底加兩側被剃光，醜死怪~~

不過.......波子返到屋企已經無事，好快復原。

希望波子日後真係要多多飲水，尿道炎唔好再復發啦!!

...................................................................................................................

波子牛一

今日波子4歲生日, 我波媽祝佢: 生日快樂, 貓體健康!

既然生日就要搵嘢玩下, 之不過玩都唔駛四腳飛彈起咁攪鬼卦=.=

青蜒都比你嚇親呀, 唔通波子你咁咀挑, 外國貨先玩, 內地貨唔吼??

Jovi looks like Bosco

My name is Jovi. Do you all think I look like Bosco very much?