貓展的意料之外

今個星期去了貓迷會舉辦的貓展，波子當然沒有份參賽，第一天去到竟然被我見到銀子????? 我第一時間抱佢咀佢攬佢，無論骨架、身型、毛色以及面相都跟銀子99%相似，真的想馬上抱走他...........



似到拱樣一定要等大家睇睇!

夏至 - 最高氣溫33oC

話說昨日天氣極度炎熱, 我在家中途經衣帽間時看見有條仿似貓屍的物體"灘"左係度, 嚇了我一跳, 以為波子佢............慶幸叫他一聲還懂擺尾巴, 應該是天氣太熱, 令佢做出一個極度不雅'吖'大雙腿的睡姿, 失禮晒!

銀子的化身 - 廖廖

想繼續收看便到 you tube 啦

恤髮

飛髮佬: 先生, 黎恤髮呀.

波子: 廢話, 黎呢度梗係恤髮啦.

飛髮佬: 想點整呀?

波子: 隨便啦, 修修佢得架嘞.

飛髮佬: 過黎洗頭先, 個頭痕唔痕呀, 痕就抓多幾野........

波子: 嘩.......痕都唔駛練住我條頸假.........我就斷氣嘞..........

原來我真係咁扁

寶刀未老

"Da bird" 這隻雀從我生日之後經常在我家飛來飛去, 令我再顯身手..........去片..........

雖然我已3歲, 但我寶刀未老架!!

波子, 生日快樂

波子: 永遠都係呢個Auntie最早祝我生日快樂啫! 多謝晒!

它,牠,它,三歲嘞

只有3歲的它被另一隻3歲的牠攪成咁樣, 我點對得住做它出來的他呢!!!!

你睇牠.......整爛嘢仲懶得慼........哼

縮骨功

咁細地方可以用來做什麼?

你???.......唔駛諗啦, 點夠你訓吖.............

波子: 邊個話我唔夠位訓, 再細d我都仲可以呀........哼..........

長江七號

如果大家有睇長江七號便知道7仔可以用盡氣力將他人的生命延續, 我買7仔返黎都係想幫銀子延續生命, 可惜現在只有7仔與波子, 而唔係銀子與波子.........其實7仔樣子可愛(好似銀子呀), 我亦當他是銀子看待, 將他放在抓抓板中層, 我坐o係sofa見住7仔仿似見到銀子平時愛睡時嘅樣子!

1991 - 2008

今日連娘家的一隻家貓都跟著銀子走了........點解咁多貓都離我而去........

她叫阿B, 是我家姐姐夫在91年接她回來的, 她小時好百厭不過好好玩, 近幾年家姐移居美國, 她便跟著我媽咪生活, 但她從來沒有跟波子,銀子見過一面, 大家生活習慣不同, 她不用打防疫針, 不用杜蟲, 不用杜蝨, 但她更是老當益壯, 沒病沒痛. 如今已是17年可謂笑"SONG", 不過點解要係呢段時間呢? 銀子與阿B未見過面, 不知銀子懂不懂帶阿B到彩虹橋呢? 唉!!!!!!!!!!!!

今日都是由余醫生操刀給她安樂走的!

永遠懷念銀子仔

我今日個心仲好痛好痛, 我反覆思念銀子, 又反覆回想FIP的病發因由, 似乎情緒好直接影響一隻貓的健康, 銀子都係一樣, 佢越大越恐懼波子的威嚇, 每晚睡醒都被跟住, 食又食唔落, 訓又訓唔安, 只不過我呢個媽媽無察覺到, 令他一日一日活在恐懼中從而病發, 如果我一早將他們分開房或者會對佢好一點, 不過而家講什麼也沒用, 只是自怨自捱不懂悉心照料銀子, 令他有不愉快的童年.

銀子仔, 希望你快點投胎做個有用的人, 去研究可醫治FIP的藥幫助所有患這個絕症的貓咪!

在此多謝Dr. Terry & Dr. Grace為銀子付出的心機及努力, 希望你們有新的得著從而幫助更多動物.


還有此希望每一個識銀子或睇這BLOG的人都會懷念銀子, 不要將他淡忘, 他永遠是我的銀子仔, 無貓可代替. 就算往後日子再養小貓都唔可以用銀子去比的.

13.01.2007 - 19.02.2008

銀子在2月19日晚上10時走了, 好多謝有咁多契爺契媽陪住佢走人生最後一段路, 佢已經心滿意足! 他比流浪貓已幸福得多, 我可以曾經擁有銀子也比任何人幸福得多. 明日又是新的一天, 在此跟曾為銀子傷心或哭過的朋友說聲: 對不起! 也跟奶娘說聲: 對不起, 我不能將你的孫兒撫養成人!

我一生中過得非常平坦, 沒有什麼高低起伏, 除了中學時期爸爸過身外, 一切都算平淡。今天算是人生中一次好大的衝擊, 不管你幾唔願意放手也唔輪到我話事, ,上天要帶走的無人留得住. 大家要珍惜生命, 珍惜你現有的一切, 它可以一夜間走了, 雖然銀子並未離開, 但感覺已很遠, 他再無跟我有眼神交流, 再無跟我錫錫.人生唔如意事有很多, 但回到家中見到你愛的人或仔女(貓貓)已經將不如意事拋諸腦後, 只要他們躬起個身將條尾擺下你, 你已經冧晒, 怨氣全消. 或者返回家中一邊鬧一邊話佢柯屎柯到周圍係, 一邊好樂意幫佢執屎執尿, 這種無形的快樂係以前未必感受到, 當時只會話佢唔乖唔聽話, 他只不過是幼貓又點識咁多呢...............明天的dna test會進一步要我接受現實, 我想銀子本來唔屬於我的, 佢可能小氣話我仲記住要紅白仔, 所以他來我家只做過客氹我10個月的開心, 而且他將自己做白老鼠黎話我知波哥只想獨霸波媽&波爸, 所以佢就成全波子, 銀子, 你真係偉大, 我以你引以為榮. 我唔會比你亦唔想你辛苦的................

等你回來

強烈對比

我的精靈 你的呆滯






















我的帥樣 你的病樣

鼠年行大運

祝大家: 福昇拱照, 如意吉祥!

不一樣的貓 不一樣的反應

熱情奔放型



溫文爾雅型

銀子病倒了

昨日看過醫生，斷診我是cat flu，
因我時常有鼻水，流到鼻孔損了!
但醫生不用我食藥，只給一支
Antibiotic paste (1 notch daily)
& Antibacterial eye drops (2 drops
daily)，這樣簡單我便會好嗎?

號外

各位如果係余醫生(Dr. Terry)的粉絲請注意, 他現進駐土瓜灣北帝街自立門戶, 星期三便正式開業。 在此祝他百份百投入獸醫嘅工作醫好更多的動物。