Monday, February 18, 2008



我一生中過得非常平坦, 沒有什麼高低起伏, 除了中學時期爸爸過身外, 一切都算平淡。今天算是人生中一次好大的衝擊, 不管你幾唔願意放手也唔輪到我話事, ,上天要帶走的無人留得住. 大家要珍惜生命, 珍惜你現有的一切, 它可以一夜間走了, 雖然銀子並未離開, 但感覺已很遠, 他再無跟我有眼神交流, 再無跟我錫錫.人生唔如意事有很多, 但回到家中見到你愛的人或仔女(貓貓)已經將不如意事拋諸腦後, 只要他們躬起個身將條尾擺下你, 你已經冧晒, 怨氣全消. 或者返回家中一邊鬧一邊話佢柯屎柯到周圍係, 一邊好樂意幫佢執屎執尿, 這種無形的快樂係以前未必感受到, 當時只會話佢唔乖唔聽話, 他只不過是幼貓又點識咁多呢...............明天的dna test會進一步要我接受現實, 我想銀子本來唔屬於我的, 佢可能小氣話我仲記住要紅白仔, 所以他來我家只做過客氹我10個月的開心, 而且他將自己做白老鼠黎話我知波哥只想獨霸波媽&波爸, 所以佢就成全波子, 銀子, 你真係偉大, 我以你引以為榮. 我唔會比你亦唔想你辛苦的................

9 comments:

go ma said...

重覆又重覆看妳的字句.心很酸.一字一淚.感同身受.沒有走過的路.旁人是沒法理解..銀子會堅强面對.余醫生會盡全力幫銀子渡過難關. Moon 要太傷感 銀子會好快回到你身旁.

ming said...

我吾知講咩好!我一路睇一路係咁眼淚鼻涕一齊流。我頭先放工去睇過銀子,佢好乖,我知佢努力緊架,佢無放棄,你都吾好放棄呀!!加油呀阿小!!

Agamagra Blackray said...
This comment has been removed by a blog administrator.
Danny said...

完全明白妳現在的感受!銀子好乖,唔想妳擔心!所以妳要振作!佢而家係打緊杖,我地要對銀子有信心!撑住呀銀子,你要快D好返!契爺會幫你沖涼,令你再白雪雪,好靚仔呀!我會為你祈禱!

Cret Cret & Pa Pa said...

moon,

我都唔識講咩..... 都係一路睇, 一路流眼淚, 我都好明白你嘅感受, 畢竟我都經歷過, 亦明白好難先可以忘記痛楚
不過, 你要知道, 最好嘅嘢你都已經比晒佢, 佢應該無憾, 生命不在乎長短, 最重要過得開心同幸福, 如果佢唔係你屋企生活, 可能佢去左一戶好差嘅人家度或者佢係一頭街貓, 結果可能比死更難受啦! 可能係天安排佢去你屋企享福架!只不過開心嘅日子永遠都覺得過得好快啫!
唔好諗太多, 無論結果如何, 你比左最好嘅嘢比佢, 佢知道架!

Chris said...

我呢兩日心情都很沉重, 一方面好擔心銀子, 另一方面過往的不愉快事情好清晰地浮現。好像剛剛昨日才發生一樣,好明白你感受。希望你都唔好放棄,銀子仲好需要你支持,佢唔係孤軍作戰, 佢有最親愛的爸爸媽媽, 同一班契爺契媽支持佢。我會為佢不斷祈禱。

Christy 媽 said...

我都係唔知講乜好,一面睇一面係咁喊...無論點都好,堅強D,唔好抹殺有奇蹟既出現,如果最後銀子要去另一邊永享福樂既話,都唔好太偒心,妳地對佢咁好,佢都唔想妳地唔開心既,我同 Christy 爸都會為佢祈禱,希望佢快D好番。

Wendy Tso said...

生老病死是人生必經的過程, 希望你們要勇敢去接受! 相信銀子亦會勇敢去面對的, 加油!

我們會一直為你祈禱

Remember, we're with you every step of your way.

Kary said...

姑姐:

唔好咁難過,人,總會死,遲早都要唔開心!!