Are You Ready?

波媽: 波子, 我地大家都要出發, 你著鞋準備啦好嘛!!

波子: 0下, 乜話? 要著鞋去架? 我會去邊呀? 好遠咩?

波媽: 今次唔止過隔離座咁簡單, 我安排你去特訓(特別地方訓覺)~~

波子: 要離開屋企我唔捨得添 T_T

波媽: 渡假屋有2美女相伴, 你一定唔會覺得悶嘅, 到時驚你唔肯返黎啫>_<

波子(雙眼即時變圓): oh really? 有靚女?????

波子: 諗起都開心 ^0^ 波媽, 行得未呀?

波媽: 聽晚先去呀衰仔 >>_<<

典來也典去

一向內歛的波子不善於表達自己愛食愛玩愛波媽(.....嘔.....)

的一面,

當遇著百年難得一遇波媽比新嘢佢玩時也不能按耐,

盡情發揮其狂野的一面.......去片

捱餓的波兒

今天要跟波子進行特訓 ~~

我想佢習慣自己食糧，唔好依靠人手餵，

如果我唔喺樹典算呢？或者我出外旅行典算呢？

所以今早我唔理佢睇佢自己肯唔肯食

可惜, 到了3點3下午茶時間佢自己一粒都唔食 :(

佢只有駛出幾招"拿渣招", 例如跟出跟入，扮中槍倒地，

令你心軟的怪叫~~~ 一輪"拿渣招"出齊後，

我最終投降叫佢快D過黎食糧 =.= 激死呀!!

步步高升

首先要幫波子平反, 由於一眾哥哥姐姐都話波子瘦了,

我今日磅過, 我同佢嘅體重步步高升,

令我地2個齊齊發福嘅有,

我就賀年食品如蘿蔔糕, 年糕, 油角, 豬肉乾~~~~~~

波子就ANF kitten, mon-petit, 三文魚粒~~~

我幾多就唔好講嘞, 波子回復13磅嘞,

應該滿於現狀, 唔好再肥又唔好瘦返就ok ^o^

我特登影波子的前後左右等大家放心, 去片

新鮮羽毛

剛過去的星期日波媽帶了新玩具返黎,

係Shirley姐姐送架, 多謝Shirley姐姐先,

比個機會我做運動,如果唔係有新玩具,

波媽懶到死唔同我玩架!!

愛是永恆

他2年前來到這世界, 1年零9個月前到我家, 可惜他的生命好短暫, 當他日漸長大的時候離我而去, 不過我知道他現在生活開心已足夠!! 讓我放聲大叫你一聲............銀子 v.v

聖誕美食

今年的聖誕派對中美食特別吸引, 種類只有幾款不過份量十足, 每人都可以儘情食個痛快 :p

等我再回味下當日美食先...............

首先有龍蝦沙律

小食當然唔少得芝麻八爪魚及螺肉

特大帶子刺身, 食到最後好似食緊肥豬肉咁呀

牡丹蝦都好大隻, 唔記得搵隻手指做比例添 x_x

今次的北寄貝係最唔掂, 因為靚貨已經沽清

赤貝有dd腥, 要點多dd wasabi先得

仲有小小乜貝物貝, 我都醒唔起佢地個名喇, 總之好味啦

最後當然唔小得我嘅cheese cake啦

最後最後仲有豬骨濃湯烏冬暖暖胃, 好滿足 ^o^

Highness小公主

昨日探了Highness小公主, 她好可愛又好玩, 身型短小總之愛使她啦!! 我一見到佢就要屈膝向她請安, 之後佢就用個頭挨近我叫我平身呀, 哈哈XDDD!! 淘寶呢張床仔好掂呀, 襯晒小公主!

難得見到的奇景

今晚去了試新嘢, 粥底打邊爐. 本應食到中後段有晒牛肉雞肉魚肉的精華, 個粥底應該好有味道, 但由於粥底做火鍋湯底好易燶, 侍應會不時過來攪攪佢, 個侍應越攪越起勁, 越攪越有力, 終於"砰"一聲成個煲裂左, 嚇到我地心都離晒呀:( 好彩無傷及人啫, 估唔到金融業爆煲, 保險業爆煲, 汽車業爆煲, 而家連打邊爐都爆煲, 感覺太唔良好 ~_~

一年一度注射防疫針

又過了一年, 波子今個月已夠期打針, 本想每隔3年才去一次, 適逢波子近排胃口不太好, 不如打針順便見見醫生囉 ! 波子已有成個月唔太願食糧, 不知是食厭了almo nature抑或有心事?? 今日磅重只有5.2kg, 上年的紀錄是5.6kg啊! 其實他食得小唔緊要, 至怕越來越唔想食就弊家火. 不過最近試過契爺的好介紹ANF的糧又有dd反應喎, 希望慢慢提起佢嘅食慾食回多點點啦 ~_~



聖誕臨近, 祝大家有個難忘愉快開心溫馨的聖誕節!!

新床墊示範

新床墊返黎波子竟然唔吼, 扮高竇, 嗅兩下便走了, 剩低床墊獨自瑟縮一角, 幾孤獨 T__T
























但是, 高竇貓也敵不過13度低溫, 高竇變熱情緊緊擁抱呢張新床墊, 仲"責"到它喘不到息.......XD





































女人善變, 原來高竇貓仲善變 >_<

好文章分享

近日睇完人地Blog覺得佢寫得好好所以想同大家分享


文地貓

so-called friend

當傻貓遇著針筒......

記住開聲聽呀!

估2個字.....................

.

.

.

.

怪叫

.

.

每次當我拎呢隻碗加針筒, 波子就o係我腳下不停轉不停叫, 佢要o支o支呀! 無論係益生菌, lysine, 甚至清水波子都好like o支o支嘅過程, 因為佢傻架...............wakakaka

F A T 係我係我, 橫睇掂睇都係我, 無錯無錯

.

.

.

.

.

波子其實都唔係好肥啫, 雖然佢身型係無腰無頸, 但都KEEP住14磅多dd, 日日食同一份量嘅糧, 聰聰有20磅先至得人驚呀!! *~*

(今日剪左眼毛先有眼見人咋)

咩廣告呀?

肉海肥貓

......如貓兒經常長時間睡覺、體型肥胖和沒精打采等都是「悶貓」的常見行為.......節錄vol 61的貓之生活






























































這隻名副其實的『悶貓』嘞!

誰與爭"袋"

話說隔離blog講到貓地好鍾意爭袋入，菲菲跟葆葆爭，大少跟papa爭。今日我家波子都有霸住個袋訓，不過霸左成日都無貓同佢爭，於是我咪拎走佢訓開個袋同佢爭吓‧

爭完呢個袋, 佢又去個瘋澤膠袋霸一餐, 對我黎講佢簡直係無聊, 我今次無佢咁好氣, 自己爭飽佢啦